Lindaskóli

Námsvísir 1. bekkjar

Skólaárið 2011-2012

 

Íslenska

Kennarar: Lára Sif Jónsdóttir og Sigurrós Óskarsdóttir

 

Fjöldi kennslustunda á viku: 8 stundir

 

Markmið:

·         Nemendur nái betra valdi á hlustun og auki orðaforða sinn.

·         Nemendur geti tjáð sig í töluðu máli.

·         Nemendur læri alla stafi stafrófsins.

·         Nemendur nái að tengja saman hljóð og geti lesið léttan texta.

·         Nemendur læri skriftaráttina.

·         Nemendur tileinki sér að láta stafina sitja rétt á línu.

·         Nemendur temji sér rétt tak á skriffærum.

·         Nemendur dragi rétt til stafs.

 

Námsleiðir:

Markviss málörvun:

·         Námsefnið felur í sér kerfisbundin vinnubrögð í leik, það miðar að því að brúa bilið á milli talmáls og ritaðs máls. Leikurinn er notaður til að ná athygli nemendanna og vekja áhuga þeirra um leið og leikþörf þeirra er mætt.

 

Lestur:

·         Aðaláherslan er lögð á hljóðaaðferð sem felur í sér að nemendur læri hljóð stafanna og geti síðan tengt þau saman í orð. Sum orð eru kennd sem heilar orðmyndir. Röð bókstafanna ræðst fyrst og fremst af bókinni Við lesum A. Einnig verður stuðst við bókina Það er leikur að læra.

 

Skrift og ritun:

·         Í fyrstu er lögð áhersla á þjálfun fínhreyfinga og frumatriða skriftar með ýmsum foræfingum. Lögð er áhersla á að börnin haldi rétt á skriffærum, temji  sér snyrtileg vinnubrögð og sitji rétt við skriftir. Bókstafirnir eru kenndir með tengikrókum. Börnin semja frásagnir og ljóð með aðstoð foreldra og kennara.

 

Námsefni:

Markviss málörvun, Helga Friðfinnsdóttir, Sigrún Löve, Þorbjörg Þóroddsdóttir.

Við lesum A, Björgvin Jósteinsson, Helga Magnúsdóttir, Þóra Kristinsdóttir. Það er leikur að læra, Ragnheiður Gestsdóttir, Ragnheiður Hermannsdóttir,  Það er leikur að læra - vinnubók 1 og 2, Ragnheiður Gestsdóttir, Ragnheiður Hermannsdóttir; og ýmsar léttlestrarbækur. Skrift 1, Björgvin Jósteinsson. Kristbjörg Eðvaldsdóttir og Þórir Sigurðsson. Foræfingar, stafablöð, stafabækur, heimaskrift, Sögubókin mín, ljóðabók og dagbókin mín.  Lestrarbækur við hæfi hvers og eins.

 

Námsmat:

Kunnátta nemenda á bókstöfum verður könnuð. Í skrift eru vinnubrögð í heimaskriftarbækur, stafablöð og önnur skrifleg verkefni höfð til viðmiðunar þegar kunnátta nemenda er metin. 

 

Stærðfræði

Kennarar: Lára Sif Jónsdóttir og Sigurrós Óskarsdóttir

 

Fjöldi kennslustunda á viku: 6 stundir

 

Markmið:

·         Stuðla að jákvæðum viðhorfum nemenda til stærðfræðinnar.

·         Nemendur læri undirstöðuatriði í stærðfræði og einfaldasta táknmál hennar.

·         Nemendur átti sig á að í umhverfinu eru mörg stærðfræðileg viðfangsefni.

·         Nemendur þjálfist í að ræða saman, útskýra, sannreyna og skrá niðurstöður.

·         Nemendur þjálfi form- og rúmskyn.

 

Námsleiðir:

Eitt viðfangsefni er tekið fyrir hverju sinni þar sem nemendur vinna einstaklingslega eða í hópum. Náttúrulegar tölur, tölutáknin 0 – 100, hugtökin og táknin > < = + og talnalínan.  Athugun á formum og mynstri. Mengi og rökfræði, S og Ó fullyrðingar, fleiri en, færri en og jafn margir. Lögð verður áhersla að brjóta upp hefðbundna stærðfræðikennslu með verklegum æfingum og hlutbundinni vinnu og að tengja viðfangsefnið umhverfinu. Til dæmis verður unnið með stærðfræðikubba, rökkubba, spil og pinnabretti.

 

Námsefni:

Sproti 1 og 2a,Björnar Alseth, Henrik Kirkegaard og Mona Rosseland, Hanna Kristín Stefánsdóttir staðfærði; Eining 1 og 2, Silla Balzer Petersen, Arne Mogensen, þýðandi: Svanhildur Kaaber, Guðbjörg Pálsdóttir og Sigrún Ingimarsdóttir staðfærðu og sömdu viðbótarefni; Viltu reyna (gulur) Peter Bollerslev, Vagn Harbo, Viggo Hartz, Peter Olsen, Leif Örsted Pedersen, Ib Trankjæ; Þýðing og staðhæfing: Guðný Helga Gunnarsdóttir; Vasareiknir 1, Ingibjörg Þorkelsdóttir, þrautalausnir og ljósritað efni.

 

Námsmat:

Að vori verður færni nemenda könnuð.

 

Samfélagsfræði

Kennarar: Lára Sif Jónsdóttir og Sigurrós Óskarsdóttir

 

Fjöldi kennslustunda á viku: 2 stundir

 

 

Markmið:

·         Nemendur efli með sér sjálfsvitund, samkennd og virðingu gagnvart sjálfum sér og öðrum í leik og starfi.

·         Nemendur skilji mikilvægi reglna og þjálfist í að að fara eftir þeim.

·         Nemendur kynnist sínu nánasta umhverfi.

·         Nemendur þekki árstíðirnar, heiti vikudaga og mánaða, mun á degi, viku, mánuði og áratug.

·         Nemendur þjálfist í að flytja mál sitt skýrt og skipulega og læri að hlusta á aðra.

 

Námsleiðir:

Í samfélagsfræði er unnið mikið með söguramma. Nemendur vinna skapandi vinnu sem samþættast við hinar ýmsu námsgreinar. Börnin vinna verkefni bæði ein og í hópum. Þau þjálfast í að túlka atburði á fjölbreyttan hátt s.s. að setja upp súlurit, gera samanburð, mælingar og myndrænar túlkanir. Bekkjarfundir verða haldnir.

 

Námsefni:

Sögurammar: Skólinn minn og Álfar og bústaðir þeirra; Björg Eiríksdóttir; bókin Um mig og þig, Jóhanna Einarsdóttir, Ragnheiður Hermannsdóttir; Komdu og skoðaðu líkamann, Gunnhildur Óskarsdóttir, Ragnheiður Hermannsdóttir; hugmyndir úr Það er leikur að læra, Ragnheiður Gestsdóttir, Ragnheiður Hermannsdóttir; Aðgát í umferðinni, Ásta Egilsdóttir, Jóhanna Karlsdóttir og efni úr ýmsum áttum.

 

Námsmat:

Símat á vinnu og verkefnum nemenda.

 

Náttúrufræði

Kennarar: Lára Sif Jónsdóttir og Sigurrós Óskarsdóttir

 

Fjöldi kennslustunda á viku: 2 stundir

 

Markmið:

·         Nemendur kynnist mikilvægi vatns fyrir allt líf á jörðinni.

·         Nemendur þekki helstu breytingar sem verða í náttúrunni og umhverfinu með tilliti til árstíða.

·         Nemendur átti sig á orsök og afleiðingu ýmissa þátta í umhverfi okkar.

 

Námsleiðir:

Í náttúrufræði verður leitast við að styrkja og viðhalda forvitni og áhuga nemenda á umhverfinu og leyfa þeim að takast á við nýjar aðstæður og viðfangsefni.  Í athugunum sínum skoða börnin t.d. lífverur, gróður og vatn.

 

Námsefni:

Bókin Umhverfið, Gunnhildur Óskarsdóttir; vettvangsathuganir og ýmis verkefni.

 

 

Námsmat:

Símat á vinnu og verkefnum nemenda.

 

Kristin fræði

Kennarar: Lára Sif Jónsdóttir og Sigurrós Óskarsdóttir

 

Fjöldi kennslustunda á viku: 1 stund

 

Markmið:

 

Námsleiðir:

Í kristnum fræðum verður lögð áhersla á sögur, sálma og bænir. Unnið verður myndrænt út frá sögum sem lesnar verða og nemendur hvattir til að skrifa við myndirnar.

 

Námsefni:

Sögustund 1, Elín Jóhannasdóttir; Undrið, Iðunn Steinsdóttir, Sigurður Pálsson, Ragnheiður Gestsdóttir; verkefnabækur og bænir.

 

Námsmat:

Símat á vinnu og verkefnum nemenda.

 

Enska

Kennarar: Lára Sif Jónsdóttir og Sigurrós Óskarsdóttir

 

Fjöldi kennslustunda á viku: 1 stund

Markmið:

 

Námsleiðir:

Í ensku verður lögð megin áhersla á kennslu í gegnum leik. Leitast verður við að   nemendur tileinki sér einföld orð og setningar í tungumálinu og læri að beita því rétt.

 

Námsefni:

Right on! Cecilia Nihlén og Ann Robinson Ahlgren, ýmsir leikir og ljósrituð verkefni.

 

Námsmat:

Símat á vinnu og verkefnum nemenda.

Upplýsingamennt

Kennarar: Lára Sif Jónsdóttir, Sigurrós Óskarsdóttir og Ólöf Birna Björnsdóttir.

Fjöldi kennslustunda á viku: Kennt í lotum, miðað er við 1 kennslustund á viku.

Markmið:

Að nemendur

·         kynnist bókasafni skólans og læri meðferð bóka og annarra gagna sem ætluð eru yngstu notendum safnsins

·         hlýði á upplestur um tiltekið efni og taki þátt í umræðum um það

·         geti hlustað, einbeitt sér og rakið efni sögu í stórum dráttum

·         komi reglulega í tölvuver skólans og tileinki sér jákvætt viðhorf til tölvunotkunnar

·         kynnist tölvunni, umgengni við hana og þekki helstu tæki sem tengjast henni

·         geti kveikt á tölvum og opnað og lokað forritum sem notuð eru

·         hafi lært staðsetningu stafa og talna á lyklaborði og geti beitt tölvumús

·         geti notað kennsluforrit og verkefni sem hæfa aldri og þroska

·         geta lesið texta á skjá með sama árangri og texta bókar

Námsleiðir:
 Nemendur kynnast bókasafni og tölvuveri skólans með reglulegum heimsóknum og venjast þannig upplýsingatækni sem eðlilegum þætti náms. Áhersla er lögð á að þau læri meðferð bóka og gagna í gegnum verkefni sem þau vinna með umsjónakennara. Ritþjálfi verður notaður til að kenna nemendum undirstöðu í fingrasetningu og ritun

Námsefni:
 Ýmsir kennsluvefir og tölvuforrit s.s. Word, Paint, Comic Life, Photo Story, og önnur námsgögn og bækur á bókasafni sem henta hverju sinni.

Heimilisfræði

Kennari: Stella María Ármann

Fjöldi kennslustunda á viku: 2 stundir á viku hálfan veturinn

 

Markmið og námsleiðir:

Nemendur læra um fæðuflokkana og gildi þess að borða daglega hollan mat í réttu hlutfalli úr öllum fæðuflokkunum. Sérstök áhersla verður lögð á hreinlæti og fjallað um mikilvægi persónulegs hreinlætis. 

Í verklegum hluta fá nemendur tækifæri á að baka og matreiða og læra frágang eftir að búið er að vinna í eldhúsinu.

 

Námsefni:

Heimilisfræði fyrir byrjendur, Birna G. Ástvaldsdóttir, Guðrún S. Guðmundsdóttir; Fæðuhringurinn, dúkur og myndir.

 

Námsmat: Byggist á færni, virkni, samvinnu og framkomu.

 

 

Hönnun og smíði

Fjöldi kennslustunda á viku:
1 kennslustund á viku allan veturinn  
Kennarar:
Þuríður Þorláksdóttir

 

 

Úr Aðalnámskrá grunnskóla, hönnun og smíði

Kennsla í hönnun og smíði á að taka mið af hæfileikum og getu einstaklingsins og stuðla að jákvæðu viðhorfi til greinarinnar. Hönnun felur í sér að einstaklingur mótar og ákveður útlit og uppbyggingu hlutar á eigin hátt. Það getur falið í sér að endurgera eða breyta hugmynd eða hlut, t.d. með tilliti til útlits eða virkni eða vinna með eitthvað nýtt og áður óþekkt. Í hönnunarkennslu lærir nemandinn að vera skapandi og hafa mótandi áhrif á umhverfi sitt.”
,, Í hönnun og smíði fær nemandinn þjálfun í að móta hugmyndir í efni með þeirri verktækni og verkþekkingu sem greinin býr yfir.“

 

Helstu markmið

 

Handverk

Að nemandinn:
- þekki hamra og sagir og þjálfist í notkun þeirra
- kunni að festa útsögunarklauf í hefilbekk
- þekki mun á grófum og fínum sandpappír og geti notað hann
- geti greint mismunandi smíðaefni, s.s. furu/greni, krossvið og mdf-efni

 

Hönnun

Að nemandinn
- geti leyst einföld verkefni á sjálfstæðan hátt
- geri sér grein fyrir því hvað þarf til vandaðra vinnubragða
- geti nýtt eigin hugmyndir til að skreyta smíðisgripi sína

Einstaklingur og umhverfi

Að nemandinn
-geti gengið snyrtilega um verkfæri og áhöld og sópað smíðastofuna
- geti notað viðeigandi persónuhlífar og sitji/standi rétt við vinnu sína
- geti unnið einn að lausn verkefna
- geri sér grein fyrir hættum í smíðastofunni og þekki umgengnisreglur hennar
- geti flokkað pappír og annan úrgang sem til fellur í smíðastofunni

Verkefni

Verkefni sem lögð eru fyrir miðast við að uppfylla markmið hér að ofan.
Ásamt því að kenna verktækni er áhersla lögð á frumkvæði og sköpun.
Helstu smíðaefni eru krossviður, mdf-efni og fura.

Kennsluefni

Verkefnablöð-hugmyndablöð, fagbækur, handverkfæri, mælitæki, smíðaefni, yfirborðsefni.

Kennsluhættir

Stuttar innlagnir fyrir hóp eða einstakling, sýnikennsla. Kennslan er einstaklingsmiðuð.
Nemendur safna hugmyndum og gögnum í ferilmöppu.

Námsmat

Símat sem byggir á:

- hugmyndaauðgi og hönnun
- iðni og afköstum
- umgengni og hegðun
- verkfærni og vandvirkni

 

Myndmennt

Kennari: Sigríður G. Valdimarsdóttir.

Fjöldi kennslustunda á viku: 2 stundir, hálfan veturinn.

 

Markmið:

 

Námsleiðir:

Verk unnin út frá þeirra nánasta umhverfi, upplifunum og ímyndunum með að nota á fjölbreytilegan hátt viðeigandi efni, verkfæri og tækni. Farið verður í litablöndun, unnið með nálægð og fjarlægð, mótað úr leir og unnið með blandaðar aðferðir og pappírsverk.

     

Námsmat:

Byggist á verkum nemenda, vinnusemi, framkomu og umgengni.

 

Tónmennt – 1. bekkur

Kennari: Ívar Sigurbergsson

Fjöldi kennslustunda á viku: 2 stundir

 

Markmið

Námsleiðir

Áhersla er lögð á hrynþjálfun, söng, hlustun og að kynnast helstu skólahljóðfærunum.

 

Þetta felur í sér eftirfarandi

Námsefni

Efni frá kennara:

·         Sérunnið efni á lausum blöðum sem nemendur halda til haga í vinnubókum.

·         Ýmis konar margmiðlunarefni stafrænar glærur, kynningarmyndbönd og námsefni á vef.

Bækur:

·         Hallfríður Ólafsdóttir 1964   Maxímús Músíkús heimsækir hljómsveitina / Reykjavík : Mál og menning, 2008.

 

Textílmennt

Kennarar:  Sigrún Dóra Jónsdóttir

Fjöldi kennslustunda á viku: 1 stund

 

Markmið:

·         Að þroska og þjálfa huga og hendur nemenda.

·         Að efla sjálfstæða sköpun nemenda, þjálfa fínhreyfingar og læra að nota skæri.

·         Að nemendur kynnist mismunandi efnum og garni.

 

Námsleiðir:

Nemendur munu sauma einföld spor, vefa,vafningar, klippa efni og puttaprjóna.

 

Námsmat:

Verkefni nemenda skoðuð.

 

 

Íþróttir

Fjöldi kennslustunda á viku: 2 kennslustundir.

 

Markmið:

·         Íþróttakennslan byggist á að efla líkams- og félagsþroska barna. Hreyfiþörf barna er mikil og í íþróttatímum fá þau útrás fyrir hreyfiþörfinni, tjáningu og sköpun. Eitt aðalmarkmið íþróttakennslu er að auka þol, kraft og liðleika og verður það gert með almennri hreyfiþjálfun með áherslu á leiki, stöðvaþjálfun, hringþjálfun og hreyfitjáningu með dansi.  Kynning verður á knattleikjum.

 

Námsleiðir:

-          smáleikir

-          grunnþjálfun

-          fimleikar

-          frjálsar íþróttir

-          knattleikir

-          badminton

 

Námsmat:

Námsmat verður afhent í nóvember og febrúar. Námsmat skiptist í færni, virkni, áhuga og framkomu sem byggist á símati kennara allan veturinn og gefið er í bókstöfum. Ekki er gefin lokaeinkunn í 1. bekk í tölum, heldur fá nemendur bókstafi fyrir færni, virkni, áhuga og framkomu.

 

Í íþróttatímum klæðast allir íþróttafötum sem eru stuttbuxur og stuttermabolir. Gott er að hafa íþróttafötin í íþróttatösku eða poka sem gott og auðvelt er fyrir börnin að bera.

Ef íþróttafatnaður gleymist heima verða börnin að horfa á íþróttatímann. Geti nemandi ekki tekið þátt í tímanum skal senda miða að heiman frá ykkur foreldrum sem útskýrir forföll þeirra. Hreinlæti er nauðsynlegur þáttur í íþróttum og fara allir í sturtu eftir hvern tíma. Munið því eftir handklæðinu og minnið börnin á mikilvægi hreinlætis.

 

Sund

Fjöldi kennslustunda á viku: 2 kennslustundir á viku í 11.vikur.

Markmið:

 

Námsleiðir:

Nemendur þjálfast í ýmsum grunnhreyfingum s.s. að ganga, hoppa, hlaupa, stökkva, kasta, grípa og snerta. Þau læra að kafa, fljóta á kvið og baki, rennsli á kvið og baki. Bringusundsfætur, skólabakssundsfætur, skriðsundsfætur og margir leikir sem stuðla að því að venjast vatninu og að nemendum líði vel í því.

 

Námsmat

Námsmat skiptist í próf 50% og vetrareinkunn 50%.  Vetrareinkunn er símat kennara í færni, virkni, áhuga og framkomu og gefin er umsögn. Lokaeinkunn í tölum er síðan gefin í maí.