Sjálfsmat Lindaskóla
 

Könnun Dægradvalar

Skýrsla 2005- 2006

 
 

 

Sjálfsmat Lindaskóla

Samantekt á könnun úr Dægradvöl 2005.  

Útsendir spurningalistar voru rúmlega 100, svör bárust frá 68.

All flestir foreldrar sem svöruðu könnunni eru ánægðir með það starf sem þar fer fram. Starfsfólk Dægradvalar  fær mikið hrós fyrir góða vinnu við erfiðar aðstæður. Örfáir segjast ekki vita um einstaka þætti eða hafa ekki skoðun á þeim.  

Heildarniðurstöður með hverri spurningu eru birt á súluritum.  

Foreldrum gafst kostur á athugasemdum með spurningu 15 varðandi  hugsanlegar breytingar á upphafi skóladags hjá yngri nemendum. Aðeins eitt foreldi tjáði sig og fannst æskilegt að allir nemendur hefji skóladaginn á sama tíma.  

Varðandi spurningu 17 um breytingar á skipulagi Dægradvalarinnar komu nokkrar athugasemdir

  • Vantar eftirfylgni með heimanámi ….. t.d. á fimmtudögum.
  • Vistun fyrir 3. og 4. bekk verði í boði til kl 17.
  • Vantar betra eftirlit á útisvæðum.
  • Hversu margir nemendur eru á hvern starfsmann.
  • Að starfsfólk fylgist betur með að börnin komi með allt með sér (fatnað, töskur o.s.frv.) í upphafi og lok dags.  

Allmargir (25) foreldrar komu á framfæri athugasemdum varðandi Dægradvölina. Flestir lýsa sig mjög ánægða og hrósa starfsfólki sem vinnur við erfiðar aðstæður og oft mjög undirmannað en allmargar athugasemdir eru þó þess eðlis að af þeim má læra í þeim tilgangi að bæta starfið:

  • Misskilningur með hressingu vegna sund o.þ.h.
  • Foreldrar vilja fá upplýsingar um hvernig gengur með barnið  í Dægradvöl.
  • Fólk vill fleiri tómstundatilboð, t.d.tónlistarnám, kór, dans og tafl fyrir 1. bekk, smíði, hannyrðir, fótbolti, leikfimi fyrir eldri börnin.
  • Einhverjir eru ósáttir við verðskrána, finnst t.d. furðulegt að borga fyrir 10 tíma og fá bara 6 en vilja fá fleiri tíma …….. einhverjir vilja eiga kost á að greiða fyrir ½ klst.
  • Foreldrar vilja betra húsnæði, klóaklykt í forstofu, draslaralegt í forstofu, föt ekki hengd á snaga, vantar fleiri snaga.
  • Ekki alltaf að starfsfólk viti hvar börnin eru og jafnvel að börnin komi heim sjálf áður en vistunartíma lýkur.
  • Erfitt að ná símasambandi við Dægradvöl, skiptiborðið svarar illa og seint. Betra að hafa beinan síma í Dægradvöl frá 13:20.
  • Börnin fara illa klædd í skólasund, þarf að passa betur.
  • Vill fá vistun í lengri fríum, jól, páskar.
  • Athugasemd um að börnunum séu sýndar bannaðar myndir á föstudögum.

Spurning 17.

Viltu breyta einhverju í skipulagi Dægradvalarinnar?  Frh…..  

  1. Bæta eftirfylgni með heimanámi, börnin komast upp með það að læra EKKI, þó þau séu með heimanámsmöppur
  2. Langar mjög í leikni.
  3. Dægradvöl fyrir 3. bekk lengur en til kl 15:00
  4. Eftirlit á útisvæðum mætti vera meira 
  5. Greitt sé fyrir hálfa klst.
  6. Spurning um fjölda barna á hvern starfsmann/vantar upplýsingar um það. Ef möguleiki á heimanámi t.d. bara á fimmtudögum þegar börni eru með heimanámið í töskunni.  
  7. Mætti laga aðbúnað húsnæðis aðallega. Skiplagið er annars í góðri þróun.
  8. Bjóða upp á dvöl til kl 17:00
  9. Meiri tómstundir – dans, tónlist, íþróttir  
  10. Bjóða upp á tónlistarnám og/eða kór fyrir börn í 1. bekk
  11. Bjóða upp á heimanám
  12. Heimanám.
  13. Þarf að fylgjast betur með því að þegar börnin koma í dægradvölin að þau komi með allt með sér( úlpu, tösku, vettlinga osfrv). Sem og að þau taki allt með sér heim.
  14. Forstofa býður ekki upp á góða aðstöðu – föt út um allt.
  15.   Ef hægt væri – fá lengri vistun fyrir 3. bekk

Athugasemd frá foreldri með spurningu 15.

Finnst æskilegt að allir nemendur hefji skóladaginn á sama tíma. Mörg yngri systkini fara með eldri systkinum í skólann.  

Aðrar athugasemdir sem þú vilt koma á framfæri varðandi Dægradvölina?  

  1. Er mjög ánægður í Dægradvölinni
  2. Talar stundum um að hann fái ekki hressinguna, þá tengist það yfirleitt því að þau eru að fara eitthvað annað, t.d. sund?
  3. Vantar  ....... frá Dægradvöl um hvernig barnið er, hvernig gengur o.s.frv.
  4. Er möguleiki á að koma á einhverjum tómstundum, t.d dans – tafl, einnig fyrir 1. bekk, eða einhverjar tómstundir þó borga þurfi sérstaklega fyrir það.Mjög gott starfsfólk en mætti vera fleira starfsfólk.
  5. Arna Margrét er alveg frábær starfskraftur sem gott er að eiga samskipti við
  6. Starfsfólk frábært og gerir gott úr aðstæðum, en vantar betra húsnæði og frekari tómstundir fyrir börnin.
  7. Verðskráin finnst mér furðuleg. Við vorum að borga gjald samkv. 10 klst á viku en vorun að nýta okkur 6 klst. Allt í lagi að láta vita af þessu, því okkur vantaði meiri gæslu fyrir barniðog hefðum því viljað nýta þessa tíma sem við vorum að borga fyrir.
  8. Mætti fylgjast betur með hvar börnin eru – stundum eins og starfsfólkið viti ekki hvar barnið er eða hvort það sé farið heim.
  9. Það er oft mjög erfitt að ná símasambandi við Dægradvölina, oft löng bið eftir svari í skiptiborðið og svo aftur að hringja í Dægradvölina. Þyrfti að vera bein lína alltaf – ekki bara eftir kl 16:00.
  10. Myndi vilja sjá fleira starfsfólk – veit þó að það er skortur á því.
  11. Að halda áfram á sömu braut og takk fyrir jákvætt og gott starfsfólk í Dægradvölinni. Þetta er til fyrirmyndar.
  12. Leiðinda klóaklykt í anddyri hússins.
  13. Ekki alveg sanngjarnt að meta starfssemi Dægradvalarinnar þegar þær eru svona undirmannaðar, en þær standa sig frábærlega og eiga hrós skilið.
  14. Ég er mjög ánægð með Dægradvölina. Barninu mínu líður vel og starfsmenn almennilegir og viðmótsglaðir. Þeir eiga hrós skilið. Vistin veitir börnunum góðan félagsskap. Fullt hús stiga frá okkur.
  15. Börnin fara oft mjög illa klædd í skólasundið í kulda. Þarf að passa upp á þetta þó þau séu komin í 3. bekk.
  16. Finnst bagalegt að ekki sé boðið upp á vistun í lengri fríum ( jól, páskar, líkt og í RVK) vandræðaástand hjá útivinnandi foreldrum.
  17. Brýn þörf á að lengja Dægradvölina til 17:00 fyrir 3. og 4. bekk.
  18. Nei.
  19. Barninu mínu líður mjög vel þar og er mjög ánægð. Jákvætt og gott starfsfólk, hlýtt viðmót.
  20. Gott starfsfólk og börnunum líður vel, a.m.k vill mitt barn helst vera lengur.
  21. Dóttir mín er aðeins 3 daga vikunnar, 1 klst í senn.
  22. Finnst Svana og Guðmunda og þær alveg yndislegar. Haldið þeim, í guðanna bænum!
  23. Væri hægt að bjóða upp á t.d. smíði fyrir eldri börnin eða hannyrðir, fótbolta, leikfimi. Einmitt flott að hafa komið á Tennishöllinni og sundinu, en alltaf gott mismunandi skipulag svo að Dægradvölin verði ekki bara geymslupláss
  24. Vill gera athugasemd við það að verið sé að sýna börnunum bíómyndir á föstudögum sem eru bannaðar þeirra aldri og frekar leyfðar fullorðnum. Leyfi mínum börnum ekki að horfa á bannaðar myndir og skólinn ætti ekki að gera það heldur.
  25. Barnið fær oft að fara heim áður en Dægradvöl er lokið, án vitundar eða samþykkis foreldra.